Welkom Nuweling

Ons is so opgewonde dat die Heilige Gees jou vanoggend na die Dubai Afrikaanse Kerk toe gelei het. Dit is ons voorreg om jou te verwelkom … soos die Arabiere sou sê, Marhaba!
Mens mis jou mense en jou tradisies as jy hier aanland en hier leef. Almal wat jou lewe vól gemaak het, is skielik nie meer naby nie. Die wonderlike nuus is dat die mense rondom jou in die kerk, graag vandag saam met jou die Here wil dien, asof ons mekaar se naaste familie in hierdie sandland is. Dit is inderdaad ons voorreg om weekliks op Vrydae saam te aanbid.
Dit is ons gebed vir jou, dat jou verblyf hier in die sandland ‘n tyd van groei sal wees, soos dit was vir die Israeliete, vir Johannes die Doper, vir Jesus se dissipels en ook vir Paulus, wat ‘n tyd lank in Arabië deurgebring het.

Groete & seën,
Deon Bester
Leraar van die Dubai Afrikaanse Kerk